FATTI CHE APPARECCHI ARON'0 LE PRIME MANIFESTAZIONI, ECC. 93
   Valen marques, senher de Monferrat, A dieu grazisc car vos a tant onrat Que mais avetz mes, conques e donat C' om ses corona de la crestiantat, E laus en dieu, car tant m'a enansat Que bon senher ai molt en vos trobat, Que gen m' avetz noirit et adobat E de nien fag cavalier prezat, E fai gran be e de bas aut poiat, Grazit en cort e per donas lauzat; Et ieu ai vos servit de volontat, De bona fe, de bon cor e de grat.
   E per Grecia ai ab vos ca\alguat, E pres mans colps durs, e mans n' ai donat.
   E par barrieyras ab vos esperonat Et esvazit barbacan' e fossat, Vensen grans cochus, et ai vos ajudat A conquerir empari e regnat, Estranhas terras, illas e dugat.
   A Messina vos cobri del blizo, En la batalha vos vinc en tal sazo Que vos ferian pel pieitz e pel mento Dartz e cairels, sagetas e trenso, Lansas e braus e coltels e fausso.
   Honratz marques, no us vuelh tot remembrar...
   Que vos e mi 'n fezetz per totz lauzar
   Yos com senher e mi com bacalar...
   E fag que fem de Seldina de Mar,
   Cant al marques la levem del so par
   A Malespina sus el plus fort logar,
   E pueys detz la a'N Posson d'Angilar
   Que s moria el leyt per lieys amar.
   E membra vos Aimonet lo joglar,
   De las novelas c' a Montaut vene contar
   De Jacobina que n' en volian menar
   En Serdanha, mal son grat, maridar;
   E vos prezetz un pauc a sospirar,
   E membre vos cant vos det un baizar
   Al comjat penre, cant vos preguet tan car
   Que de son onde la volsetz amparar
   Que la volia a tort dezeredar (1).....
   Mais cen piuzellas vos ai vist maridar A coms, marques, a baros d'aut afar, C'anc ab neguna jovens no us fetz peccar; Cent cavayers vos ai vist heretar,
   (1) Cf. Hist. Litter. de la Fr., XVII. 516.